أرشيفالبطولةالبطولة برو انوي 1

كل ما قاله عبد الإله الإبراهيمي الناطق الرسمي لنادي الرجاء في تصريح لراديو سبورت ماروك

حل الناطق الرسمي لنادي الرجاء الرياضي عبد الاله الابراهيمي ضيفا على راديو سبورت ماروك وفيما يلي ابرز ما جاء على لسانه: 🎤🎤

✅ وقعنا رسميا مع البهجة وكابانغو
✅ كاينة مفاوضات متقدمة مع لاعبين فالبطولة الوطنية ولاعبين أفارقة، ولاعبين مغاربة تايمارسو فأوربا
✅ موضوع النفاثي بالنسبة لينا سالا، رغبة اللاعب وظروفو الشخصية هي لي قررت، مع العلم كان عطانا موافقة من قبل ولكن فلخر كلشي تبدل


✅ كاين رؤساء أندية فالمغرب، وتاحنا عارفينهم لي تايتسناو تا تدخل الراجا على شي صفقة وتايدخلو يزيدو 40/50 مليون باش يطلعو الثمن
✅ تسريب الوثيقة ماشي سبب ففشل الصفقة، ولكن ضرنا بزاف كنادي الرجاء الرياضي
✅ سامي هيين فسخ العقد واتفقنا معاه وخدا فقط %7 من مستحقاتو
✅ حافيظي رسميا فالحزم، وتقريبا راه بعناه بمليار لي فقيمة فسخ العقد، 700 قيمة الصفقة و 250 مليون تنازل عليها !


✅ بوطيب فسخ العقد وسمح ف %80 من مستحقاته، وقالينا أنا ولد الرجا ديرو معايا لي بغيتو
✅ كوياتي المدرب لي قالنا يحتفظ بيه حيت شافو فتطور مستمر
✅ بنحليب جلست معاه الأحد الماضي، واتفقنا باش يفسخ العقد، هو بغا تجربة جديدة وتاحنا بغيناه يبدل الأجواء 😅 ولكن ماتفاهمناش على قيمة الفسخ، هو باغي مبلغ مانقدروش نوفروه دبا
✅ الهبطي مابغاش الإعارة
✅ الهبطي وبنحليب خارج معسكر أكادير، وغاتكون معاهم جلسة أخرى الأربعاء.


✅ رأيي فالمدرب كنت قلتو فمجموعة فوتساب كرجاوي ، ولكن أنا كناطق رسمي تانقول بلي المكتب دبا بغا يوفر للمدرب الانتدابات حيت هو تايقولك ماكاينش لي يماركيليه وتايضيعو الفرص بسذاجة، وحنا غانحكمو عليه بعد الانتدابات
✅ الزنيتي غايغيب شهرين ونصف، وحنا تانقلبو على حارس مزيان لي يقدر يعوضو فحالة مشا فالصيف
✅ نعم تانفكرو فمساعد مدرب رجاوي
✅ بدينا الاجراءات باش يجي الناهيري و لاعِبَين فرحلة خاصة، وللأسف كنا ناويين يجي معاهم تا النفاثي ومراتو.


✅ ماعندناش مشكل ف المسائل المادية وتاندبرو أمورنا على حسب ميزانيتنا، ولي بغا يعاون الفريق ماتايعاونوش فالفيسبوك ولا اوديو ف وتساب، راه عارف رقم البريد البنكي، والحمد لله قادين بشغلنا، حيت هادشي تصفية حسابات .. ولي تايبغي الفرقة تايعاونها بالسكات وهو كان قالها واحد الوقت ( يمكن تايدق على بودريقة )
✅ خليو تسالي الانتدابات ودويو، راه تا فريق ماقدم الانتدابات ديالو
✅ لي تايتقال فالفيسبوك وليزوديو المسربة راه تغليط الرأي العام، وكثرة الهضرة على لاعب تاتزيد من قيمتو المالية


✅ ايلا أنيس تايتسنا دعم من الخارج أنا شخصيا مانقبلهاش عليه
✅ جالسنا لاعبين غايسالي عقودهم وكان تجاوب ايجابي باش يجددو
✅ أنا من الناس لي باغي نزيدو فئات أخرى من المنخرطين ديال 5000 و 10000 درهم، ولكن هادشي تايحددو الجمع العام
✅ المركاتو غايتحل نهار 15 يناير، تانطلب من الجمهور الصبر ويحكمو علينا .. و%99 من داكشي لي تاتيتسرب راه مغلوط
✅ تانبقاو خدامين فالاجتماعات تال 3 د الصباح، تا عملنا مابقيناش تانمشيو ليه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

من فضلك ازل حاجب الاعلانات لتظهر لك الصفحة